सगरमाथा युथ क्लबले ताप्लेजुङको संघर्ष स्पोर्टिङ युवा क्लबलाई २–१ गोल अन्तरले पराजित

ताप्लेजुङ,ताप्लेजुङ गोल्डकप २०८१ को दोस्रो संस्करण शुक्रबार भएको खेलमा मोरङको सगरमाथा युथ क्लब ताप्लेजुङ गोल्ड कपको फाईनलमा प्रबेश गरेको छ । शुक्रबार भएको पहिलो सेमि फाईनल खेलबाट मोरङको सगरमाथा युथ क्लबले ताप्लेजुङको संघर्ष स्पोर्टिङ युवा क्लबलाई २–१ गोल अन्तरले पराजित गर्दै फाईनलमा प्रबेश गरेको हो । भोलि हुने सेमि फाईनलको अन्तिम खेलमा झापाको बिर्तामोड युनाईटेड फुटबल क्लब र सिरहाको सलहेस युवा क्लबबीच हुने भएको छ । प्रतियोगिताको बिजेताले नगद ५ लाख र उपबिजेताले २ लाख ५० हजार ५ सय ५५ रुपैयाँ सहित ट्रफी, मेडल र प्रमाण पत्र प्राप्त गर्नेछन् । प्रतियोगिताको फाइनल भदौ १० गते हुने भएको छ ।