उच्च मूल्यबाट २ सय रुपियाँ घट्यो सुनको मुल्य,

काठमाडौ समाचारदाता जेठ,२० गते सुनको उच्च मूल्य तोलाको २ सय रुपैयाँले घटेको नेपाल सुनचाँदी व्यवसायी महासंघले बताएको छ । नेपाल सुनचाँदी व्यवसायी महासंघका भनाई अनुसार आइतबार सुनको भाउ प्रतितोला १ लाख ४२ हजार रुपैयाँ कायम भएको थियो । यसअघि शुक्रबार १ लाख ४२ हजार २ सय रुपैयाँ थियो । शुक्रबारको मूल्य नेपाली बजारमा पहिलो इतिहासकै उच्च मुल्य हो । बजेटमा भन्सार दर ५ प्रतिशत विन्दुले बढे पछि नेपाली बजारमा मूल्यले शुक्रबार सबै रेकर्ड तोडेको सुनचाँदी व्यवसायी महासंघले बताएको छ ।चाँदीको भाउ पनि तोलामा २५ रुपैयाँ घटेको छ । अघिल्लो दिन तोलामा १ हजार ८७५ रुपैयाँ रहेको चाँदी आज १ हजार ८५० रुपैयाँ कायम भएको सुनचाँदी व्यवसायी महासंघले बताएकाछन् ।