आज लिम्बु समुदायले आफ्नो मौलिक सांस्कृतिक पर्व उभौली मानाउदै

आदिवासी लिम्बु समुदायले आफ्नो मौलिक सांस्कृतिक पर्व उभौली देश तथा विदेशका विभिन्न स्थानहरूमा भव्य रूपमा मनाएका छन्। प्रकृतिको पूजा र कृषिजन्य जीवनसँग जोडिएको यस पर्व विशेषगरी किराँत धर्मावलम्बी लिम्बु समुदायका लागि अत्यन्त महत्वपूर्ण मानिन्छ। उभौली पर्व वैशाख पूर्णिमाको अवसरमा मनाइन्छ, जसले उकालो लाग्ने समय अर्थात् गर्मी यामको सुरुवातलाई संकेत गर्दछ। यस अवधिमा चराचुरुङ्गी, जनावर तथा मानिसहरू उकालो तर्फ सर्ने विश्वास गरिन्छ । पर्वका अवसरमा युमा साम्माङको पूजा–अर्चना गरी राम्रो वर्षा, उब्जनी र समृद्धिको कामना गरिन्छ। काठमाडौं, धरान, इलाम, पाँचथर लगायतका विभिन्न जिल्लामा सांस्कृतिक कार्यक्रम, धान नाच (यालाङ), च्याब्रुङ नृत्य तथा पारम्परिक भेषभूषामा सजिएका झाँकीहरू प्रस्तुत गरिएका थिए। विदेशमा बसोबास गर्ने लिम्बु समुदायले पनि बेलायत, हङकङ, दक्षिण कोरिया, जापान लगायतका देशहरूमा एकजुट भई उभौली पर्व मनाएका छन्।समुदायका अगुवाहरूले यस्ता पर्वहरूले सांस्कृतिक पहिचान जोगाउन र नयाँ पुस्तालाई आफ्नो परम्परासँग जोड्न महत्वपूर्ण भूमिका खेल्ने बताएका छन्। साथै, उभौली पर्वले सामाजिक एकता र आपसी सद्भाव बढाउन सहयोग पु¥याउने विश्वास लिइएको छ।उभौलीसँगै उधौली पर्व पनि मनाइने गरिन्छ, जुन मंसिर महिनामा पर्छ र ओरालो झर्ने समयलाई संकेत गर्दछ। यी दुवै पर्वहरूले प्रकृति र मानव जीवनबीचको सम्बन्धलाई झल्काउँछन्।यसरी, आदिवासी लिम्बु समुदायले आफ्नो मौलिक परम्परा जोगाउँदै उभौली पर्वलाई देश विदेशमा उल्लासपूर्वक मनाइरहेका छन्। धरानमा भने कियाचु नगर समिती धरानको आयोजनामा बिजयपुर स्थित हाङ्युक्नामा यक्वा पुजा गरियो ।cpy-Numaphung Khabar