ताप्लेजुङ/ताप्लेजुङ स्थित पाथीभरा मन्दिरमा पुस महिनामा २९ लाख रुपैयाँ भन्दा बढी भेटि संकलन भएको छ । पाथीभरा मन्दिरबाट पुस महिनामा २९ लाख २५ हजार रुपैयाँ भेटिपाति संकलन भएको हो । पुस महिनामा ६ हजार ४ सय २७ जना दर्शनार्थी पाथीभरा मन्दिर दर्शनका लागि पुगेको पाथीभरा क्षेत्र विकास समितिले जनाएको छ । पुस र माघ महिनामा चिसो मौसमका कारण मन्दिरको दर्शनमा दर्शनार्थीहरु केहि मात्रामा कम मात्र जाने गरेको छ । चिसो मौसमका कारण पुस र माघ महिनामा मन्दिरको दर्शनमा अरु भन्दा कम मानिसहरु मात्र जाने गरेको र यद्यपी यो बर्ष पुस महिनामा पनि मन्दिरको दर्शन गर्ने जानेको संख्या भने उल्लेख्य रहेको पाथीभरा क्षेत्र विकास समितिका कार्यकारी निर्देशक प्रजिन हाङवाङले बताउनु भएको छ ।
