निर्वाचन कार्यालय ताप्लेजुङले अन्तिम मतदाता नामावाली प्रकाशित

ताप्लेजुङमा जिल्ला निर्वाचन कार्यालयले आउदो मंसिर १६ गते हुने उप निर्वाचनको लागि मतदाता नामावाली प्रकाशित गरेको छ । मंसिर १५ गते सम्मको अध्यावधि स्थानीय तह उपनिर्वाचनका लागि नामावली ताप्लेजुङ जिल्ला निर्वाचन कार्यालयले प्रकाशित गरेको हो । उप निर्वाचन हुने सिरिजंघा गाउँपालिका वडा ३ मा वडा अध्यक्षको लागि हुने निर्वाचनको लागि दुई वटा मतदान केन्द्रमा एक हजार ५२८ जना मतदाता रहेको छ । जसमा पुरुष ८ सय ८८ जना र महिला ६ सय ६४ जना रहेको छ । दुई वटा मतदान केन्द्र रहेको उक्त वडामा सरस्वती माध्यमिक विद्यालय कुञ्जारी केन्द्रमा एक हजार २६ जना र दुर्गा मावि ओसेमा ५सय २ जना मतदाता रहेका जिल्ला निर्वाचन कार्यालयले प्रकाशित गरेको अन्तिम नामावलीमा उल्लेख रहेको छ ।