ताप्लेजुङमा बेलुकी ९ बजे सम्म मात्र देउसी भैलो खेल्न पाइने

ताप्लेजुङ, ताप्लेजुङमा बेलुकी ९ः०० बजे सम्म मात्र देउसी भैलो खेल्न पाइने भएको छ ।सहायक प्रमुख जिल्ला अधिकारी सन्दीपा खड्काले बुधवार अपरान्ह एक सार्वजनिक सूचना आवह्वान गर्दै उक्त समय भित्र अनुशासित र मर्यादित ढंगले देउसी भैलो लगायतका सांस्कृतिक कार्यक्रम सञ्चालन गर्न गराउन आग्रह गर्नु भएको छ ।जिल्ला प्रशासन कार्यालयले यसअघि नै देउसी भैलो लगायतका सांस्कृतिक कार्यक्रम मर्यादित र अनुशासित बनाउन आग्रह गरिसकेको छ । प्रशासन कार्यालयले उल्लेखित कुराको बर्खिलाप हुनगरी कोहि कसैले गतिविधि गरे गराएमा कानुन अनुसार हुने अवगत गराइसकेको छ ।प्रशासन कार्यालयले कोहि कसैले कुनै अवाञ्छित गतिविधि गरे गराएमा नजिकैको सुरक्षा निकाय वा जिल्ला प्रहरी कार्यालय वा १००,०२४–४६०१९९ मा सम्पर्क गरी जानकारी गराउन समेत आग्रह गरेको छ ।साभार उज्यालो पोष्ट बाट