याक्थुङ चुम्लुङ द्धारा चाड चासोक तङ्नामको अवसरमा एकदिन स्थानीय बिदा,

ताप्लेजुङ,/कात्तिक चासोक तङ्नाम (न्वागी खाने पर्व)को अवसर पारेर ताप्लेजुङको फुङलिङ नगरपालिकाले सोमवार एकदिनका लागि स्थानीय बिदा दिएको छ । नगरपालिकाको तर्फबाट निमित्त प्रमुख प्रशासकीय अधिकृत प्रकाश पौडेलले सार्वजनिक सूचना आवह्वान गर्दै याक्थुङ चुम्लुङ धर्मावलम्बीहरुको चाड चासोक तङ्नामको अवसरमा एकदिन स्थानीय बिदा दिएको बताउनु भएको छ । पौडेलका अनुसार उक्त दिन नगरपालिकाको कार्यालय, वडा कार्यालय र शिक्षण संस्थाहरुमा बिदा कायम हुने छ । स्वास्थ्य संस्थाहरुबाट प्रदान गरिने अति आवश्यक बाहेकका अरु सबै सेवाहरु समेत बन्द हुने नगरपालिकाले जनाएको छ । उज्यालो पोष्ट