ताप्लेजुङमा तीन दिने आँखा शिविर सञ्चालनमा ७६ जनाकोआँखा शल्यक्रिया,

ताप्लेजुङमा तीन दिने आँखा शिविरले ७६ जनाको डिचेन डोङ्गला आँखा उपचार केन्द्रमा आँखा शल्यक्रिया गरेको छ । ताप्लेजुङ सदरमुकाम बजार स्थित डिचेन डोङ्गला आँखा उपचार केन्द्रमा सञ्चालित निःशुल्क शिविरमार्फत आँखाका बिरामीको शल्यक्रिया गरिएकोे हो । नेपाल नेत्रज्योति सङ्घ ताप्लेजुङ, फुङ्लिङ नगरपालिका र सेवा फाउन्डेसन काठमाडौँको संयुक्त आयोजनामा सोमबार, मङ्गलबार र बुधबार गरी तीन दिने आँखा शिविर सञ्चालन गराएको थियो। शिविरमा आँखाको शल्यक्रिया गरिएका मध्ये ६२ जना मोतीबिन्दु भएका बिरामी सहभागी भएका थिए । बाँकी १४ जनाको आँखाको साधारण शल्यक्रिया गरेको थियो । शिविर मार्फत शल्यक्रिया गरिएका मध्ये ६७७ जना आँखाका बिरामीले सेवा लिएका थिए । डिचेन डोङ्गला आँखा उपचार केन्द्रको जानकारी अनुसार शिविरमा शल्यक्रिया र आँखाको उपचार तथा परीक्षण सेवा लिएकामध्ये ३३५ जना पुरुष र ३४२ जना महिला रहेका थिए । शिविरबाट बाल बालिका देखि ८० वर्षभन्दा माथि उमेर भएका ज्येष्ठ नागरिक समेतले सेवा लिएको र शिविरमा मेची आँखा अस्पताल बिर्तामोड झापाको प्राविधिक सहयोग रहेको पनी थियो । मेची आँखा अस्पतालका नेत्र विशेषज्ञ डा. नेतृत्वको टोलीले शिविरमा सेवा लिन आएका आँखाका बिरामीलाई सेवा दिएको ताप्लेजुङ डिचेन डोङ्गला आँखा उपचार केन्द्रले बताएको छ।