फक्ताङ्लुङ गाउँपालिका थाक्पु खोलामा बाढीले काठेपुल बगाउँदा यातायात ठप्प

ताप्लेजुङ,/ ताप्लेजुङको फक्ताङ्लुङ गाउँपालिका लेलेप अवस्थित थाक्पु खोलामा अत्यधिक बर्षा भएपछि बुधबार राति बाढी आएको छ । उक्त थाक्पु खोलामा बाढी आएका कारण मोटर गुड्ने काठेपुल बगाउँदा यातायात अवरुद्ध भएको हो । बुधबार रातिदेखि अत्यधिक बर्षा भएपछि बाढी थाक्पु खोलामा बाढी आएको थियो । बुधबार राति वषासँगै थाक्पु खोलामा बाढी आएकोले खोलाको काठेपुल लगायत खोला आसपास क्षेत्रका सडकसमेत क्षति भएपछि यातायात अवरुद्ध भएको त्यहाँको स्थानीयले जानकारी गरएको छ । बाढीले काठेपुल सँगै सडक क्षति गरेपछि अब तत्कालै यातायात सञ्चालनमा आउन नसक्ने र बाढीले सडक अवरुद्ध गरेपछि वडा नं ७ ओलाङ्चुङगोलातर्फ यातायात सुविधा अवरुद्ध भएको छ । अत्यधिक बर्षा भएका कारणले क्षती भएपछि सडक,काठेपुल तत्कालै पुनर्निर्माण हुन नसक्ने अवस्था भएको फक्ताङ्लुङ गाउँपालिका अध्यक्ष राजन लिम्बू (मुक्ति)ले बताउनु भएको छ ।